15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Pyrchah ka HYC wow pteiñ i thung kreh ya u Prof. Srivastava ha NEHU

Advertisement ad1
Advertisement ad1

Hadien wa ka seiñ HYC Education Cell ryngkat wa ka HYC NEHU Unit da bichaar bniah ko deiwa chim yumut na ki khynnah puræ, kiwa sikai wa ki wakreh ka yung krehkaam u Prof. S.K. Srivastava kam u VC ka NEHU, neiliang ka seiñ da chem ko wa uni u VC da leh u chiboon ki kaam wow pynhiar ya kani ka skurbah.

Ka seiñ da ong ko wa na kini toh wa uni u VC ymye u wow khut ya ka University Court ha ki 4 snem kiwa da em u ha ka skurbah.

Da kdaw ko wa ha ka sien wa nyngkong wa da khut u ya ka University Court, da man ko kawa sñiaw kulmar toh wa ym chim wow e yukheiñ ya i pynemkaam Fund wa da yoh naka sorkar bei wei neini i daw ki dkhot ka University Court, kiwa kynthup ya ki MP waphær waphær ka ri kiwa man dkhot ha ka University. Ki dkhot yong ka Court kam kiwa sikai da pyrchah joor ki yeini wei u VC da hap pynsangeh chwa u ya ka yalang.

Chooh chooh ka seiñ da ong ko wa ini man i pyrchah ya ka aiñ ka NEHU wow pdiang ya ka mang poisa (Budget) khlem i mynjur ka University Court.

Heijooh i por da ong ko wa man iwa phylla wa wot chisien leh ya ka yalang ka Board of Research Studies ym em khut ya ka du nei leh u VC.

Neiliang ka seiñ chirup wei kyrchaan pura ka Joint Action Committee ka NEHU u pyrchah ki ya iwon iwon i thmu wow pteiñ yei krehkaam u Prof. Srivastava ha kani ka skurbah.

Share this:
Previous

Ka sorkar jylla ym ye kow wow pynbna yaka Motphran wa Police Bazaar kam ki thaw wym hoi u chongdai madan: MGSPHSVA

Next

Pynbna kyndon ka sorkar yei wai ki dukan dai baam wa em ha ki National Highway