Kiwa dang chah ktah ha u COVID-19 ha kini ki 24 kynta ha India da em ki 96,551 ngut iwa man leh iwa boon dooh ha ka chi sngi iwa man leh ka sngi wa ar wa da em palat 90 hajar ngut kiwa dang chah ktah katkam ka yukheiñ ka Ministry of Health & Family Welfare.
Kiwa dang chah ktah da man ki le chah ya kiwa dang chah ktah ha USA kiwa em 37,360 ngut kiwa chah ktah haka jooh ka sngi wei ha kiwi ki sngi ha uni u bnai da em ki hapoh 50 hajar manda kheiñlang.
Kiwa dang chait ha India da em ki 70,880 ngut iwa da pynpoi leh yaki cha ka 35 lak ngut, kiwa dang yap da em sa 1,209 ngut katwa kiwa dang em ya uni u khñiang da ku da 24,462 ngut.
Kiwa boon dooh kiwa dang chait toh ha Maharashtra 14253 ngut, Andhra Pradesh 10040 ngut, Karnataka 7021 ngut, Tamil Nadu 6185 ngut, Uttar Pradesh 4605 ngut wa ha West Bengal 3035 ngut.
Ki jylla wa ku dooh kiwa dang em ya uni u khñiang toh ha Maharashtra 8698 ngut, Uttar Pradesh 2289 ngut wa ha Karnataka 2067 ngut.
Waroh kiwa chait hapoh ka ri da em ki 77.65% iwa hiar naka 77.74% kiwa em 35,42,663 ngut; kiwa dang em ya uni u khñiang da em ki 20.68% iwa ku naka 20.58% kiwa em 9,43,480 ngut wa 1.67% kiwa yap kiwa em 76,271 ngut. Waroh da em 45,62,414 ngut kiwa da dep yoh COVID-19.
Kiwa chait da tam ki da 25,99,183 ngut ya kiwa dang em ya uni u khñiang iwa ku da 46,418 ngut nadooh ynnin ka sngi.
