Ha i janmiet ka 10 tarik, hadien wa yoh yutip ki pulit ka East Garo Hills wa em chiboon ki kuli, ki tiar tympdung wa da murieh hapoh khloo ka Do.rengkigre kiwa murieh da ki dkhot ka GNLA chwa wow wan pyndem ki.
Kamtæ ki pulit ka SF-10 hapoh u Superintendent of Police ka East Garo Hills haka 11 tarik uni u bnai heipor kamwa 8 waje i step da chem ki ya kini ki tiar yaleh na thaaiñ Pilongre ka Do.rengkigre.
Ki tiar wa da chem man ki kamni ha wah:
- 1 Claymore IED Box
- 5 tylli ki Electric Detonators
- 63 tylli ki kuli 7.62
- 41 tylli ki kuli 50 BMG
- Wa 250 gram ki kynja tympdung
Ya kini waroh da rah cha ka Williamnagar Police Station yow leh ya iwa emkaam.
Ka takit dang lai ko chakhmat yow chem chooh chooh ya kam kini ki jiat.
