Shillong: Hadien wa u President ka Hill State People’s Democratic Party (HSPDP), u K P Pangniang da pyntikna u wa ka Party daw kylliang ko yaka samoi krehkaam yong ki MLA kam ki Montri ha ka sorkar.
U MLA ka Mawkyrwat, u Renikton L Tongkhar da e khublei u ya ini i rai yong uwa yahkhmat ka Party, deiwa ong leh wa ini i rai ym toh de iwa thymme, wei kattæ da toh i por wow yoh bynta lang neibhah wot u Samlin Malngiang uwa man katni u Montri ha ka sorkar da em u ha i jooh i yumut kamwa da pynbait.
Hawa kylli lada em i ktah ya ka Party, da ong u wa kam uwa yahkhmat da kyrmen u wa ym em kam itæ, neibhah wa kam ki paralok haka Party waroh 2 ngut ki MLA ya burom ki mar kylliang, wei pynsñiaw u yei yooluti wa i man Montri ha ka sorkar ym toh wow ktah yei yatoh wa u Samlin næ waka Party. Da ong u wa kam kiwa yahkhmat i yatoh u neh kamwa jooh man neibhah waroh ha ka Party em ki hei sñiawthooh yumut.
