15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Da yaklam yow thap yaki MDC ka BJP hapoh ka EC ka JHADC: Hek

Advertisement ad1

Shillong: Uwa yahkhmat ka BJP ha Meghalaya uwa man leh u Montri ha ka sorkar Meghalaya Democratic Alliance (MDA) u Alexander Laloo Hek da ong u wa ka rai wow dam noh na ka sorkar ym toh chong du ha kiwa yahkhmat ha ka jylla, deiwa ong leh wa i yatoh yong ka Party wa ka sorkar ym em itæ i sñiaw yaphær iyi iyi hadooh katni hanla em ka thma ktien hapyrdi ka NPP kawa yakhmat ya ka sorkar wa kiwa yahkhmat ka BJP hajrong i baamtooh wa da mih ha ki artylli ki Autonomous District Council (JHADC wa GHADC).

Hawa klam wa kiwa thoh khubor ynne ka sngi, da ong u wa hadooh ynne ym em itæ i kynrum kynram hapoh ka sorkar, deiwa ong wa waroh ki Party kiwa em ha ka sorkar nadooh ka UDP, BJP, NPP, PDF, HSPDP wa ki MLA samen toh ki khmat wa ki chkor yong ki paidbah, wei lada chem wa ka sorkar leh ko iwon iwon i bakla, ki Party ki em hok ki wow paan pynche kamwa leh ka BJP, wei iyi wa leh ka BJP ym toh iwa sih.

Hajrong i pteiñ i thma ktien hapyrdi ka BJP waka NPP ha ka jylla, u Hek da ong u wa da toh u pynkut noh ya kani ka thma ktien neibhah wow pynbaad uwi ya uwi ym sñiawsuk neibhah wa emlang ha i jooh i yung.

Hawa kylli, u Montri da ong u wa ka BJP daw pyrkhat ko kattæ wa wow dam noh u em hapoh ka sorkar ym toh kawa sñiaw yahap neibhah ka Party ym toh kawa em du ha Meghalaya, wei ka BJP hapoh ka jylla ym ye ko wow chim rai khlem da tip na Delhi neibhah hachwa wow em ha ka sorkar leh da pynbait lang da kiwa yahkhmat ka Party na Delhi. Da ong u leh wa ha ka jylla, ka Party ka em ko yaka Committee kawa oo leh man dkhot u wow chim ya ka rai lada mut wow mih noh na ka sorkar.

U Hek da pyntip u leh wa kam u Montri wa emlang ha ka sorkar da yaklam u ya i duna wa da wanrah da ka BJP cha ka sorkar khnang wow yoh ya i che iyi i daw. Da pyntip chooh chooh u wa da yaklam leh hajrong i pynchong yaki MDC ka Party ha ka liang pyrchah ha JHADC, wei kattæ i yaklam dang lai ko chakhmat wow pynpsiah yaki MDC ha ka Executive Committee. Da ong u wa hanlada ki MDC em ki ha ka liang synchaar iyi wa ka Party toh u leh ko u leh bait wei u lai chakhmat lada chem ya i duna ha i krehkaam.

Share this:
Previous

Da pynbna Micro Containment Area yaka Staff Quarter wa em hadien ka Raj Bhavan

Next

Ym ktah ko yaka HSPDP lada kylliang yei kaam Montri: Renikton