Hadien 6 sngi wa da em bait palat 100 ngut kiwa yoh COVID-19 man-ka-sngi ha Meghalaya, ynne da hiar cha ka 89 ngut kiwa dang yoh, kiwa dang chait da em ki 95 ngut wa sa 2 ngut kiwa dang yap.
Na kiwa dang yoh thymme da em ha East Khasi Hills 70 ngut (chipai-3, paidbah-67), Ri Bhoi 1, West Garo Hills 2, East Jaiñtia Hills 14, South West Garo 1 wa ha South West Khasi 1.
Kiwa dang chait da em ha East Khasi Hills-19, North Garo Hills-5, Ri Bhoi-38, West Garo Hills-28, West Jaiñtia Hills-2, West Khasi Hills-3.
Ki bru paidbah kiwa dang yoh thymme ha East Khasi Hills toh ki 41 ngut ki High Risk Contact, 4 ngut ki wakreh Health heiwa 1 toh ha DMHO Office, 1 Lab Technician ha Sohra, 2 ngut ki Doctor Dental Surgeon ha Civil Hospital, 2 ngut kiwa liwan, 4 ngut kiwa yoh ILI, na Golflink 1, Laban 2, Mawprem 4, Nongmensong 5, Khyndailad 3, wa ha Umlyngka 1. Ha East Jaiñtia Hills 14 ngut na Star Cement. Ha West Garo Hills 2 ngut ki High Risk Contact. Ha Ri Bhoi 1 High Risk Contact. Ha South West Garo Hills 1 wa liwan na baar jylla. Ha South West Khasi Hills 1 u wakreh Grade IV wa yarap ha Corona Care Centre ha Mini Secretariat.
Ki arngut kiwa dang yap toh ka Jamuna Sunar (44 snem) kawa na Pinewood Quarter wa em hajan ka Ward’s Lake kawa da rah cha Nazareth Hospital haka 15 tarik uni u bnai wei da Test pyn ha kani ka sngi wei da chem toh kawa em ya u COVID-19 wei da khlaad noh ko ynne i step heipor 9:30 wei toh kawa da em chwa ya kiwi ki kjut.
Sa kawi kawa yap toh ka Anjalee Barua (60 snem) kawa na Laitumkhrah Nongrimmaw Block C, kawa da rah cha Nazareth Hospital tangwa da khlaad noh ko chwa wow poi Hospital heiwa da Test yaka wei da chem toh kawa yoh COVID-19.
Kiwa dang em ya uni u khñiang ha ki District man ki kamni ha wah:
East Khasi Hills: 1369 (chipai-236, paidbah-1133)
West Khasi Hills: 10
South West Khasi Hills: 6
Ri Bhoi: 129 (chipai-41, paidbah-88)
West Jaiñtia Hills: 8
East Jaiñtia Hills: 279
West Garo Hills: 134 (chipai-56, paidbah-78)
South West Garo Hills: 15
South Garo Hills: 18
East Garo Hills: 5
North Garo Hills: 3
Waroh kiwa dang em ya uni u khñiang toh 1976 ngut, kiwa chait 2437 ngut wa 34 ngut kiwa yap iwa da poi 4447 ngut kiwa da dep yoh COVID-19 hapoh ka jylla.
Ki nongmuna kiwa da dep phah Test toh 1,29,503 tylli; kiwa ym em chah ktah namo kiwa man Negative em ki 1,24,315 tylli wei dang yang yaka Result ki 743 ngut.
Kiwa da dep psiah chapoh ka jylla da em ki 37743 ngut.
