Ki pulit ka Meghalaya da pyntip ki wa katni da em sa kawi ka rukom chah thok chah chukor ki paidbah heiwa da em kiwa tyrwa poisa chiboon kam ka bai booh yaki Mobile Tower haki thaw yong ki bru wa chah u booh.
Kini ki bru ye ki wow leh ya ini deiwa booh yaki Advertisement ha ki kot khubor wa kiwi kiwi yow paan thaw wow booh yaki Mobile Tower deiwa kular wow su chiboon kam ka bai thaw chi bnai da ki yong snem, u e kreh yaki tre thaw, u e Free Phone Connection wa kiwi kiwi ya ki tre thaw.
I thok da sdang i heiwa kini ki bru daw paan ki yaka Security Deposit lane ki Registration Fees wei daw pynyoo ki leh yaki kot ki sla wa chna thok wa kam toh wa da yoh NOC ki naka Telecom Regulatory Authority of India (TRAI) kamjooh na kiwi ki chnat sorkar, wei hadien ini manda sdang ki tre thaw wow su poisa kamjooh manda yoh poisa ki rap boon, kini ki bru wiar ki ngeiñ hadooh ki Phone Number wa kiwi kiwi leh ym krehkaam de ki.
Neiliang ka TRAI leh na ki por cha ki por da pyntip ko wa ym jooh emkti ki wow e NOC yow booh Mobile Tower wei da kyntu leh yaki paidbah wow man kiwa husiar manda em wa jia kamni wa phah thap poisa ki bru yow booh yaki Mobile Tower wei yow pyntip wut wut cha ki pulit.
