15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

COVID-19: La le sngi boon kiwa dang chait bar ya kiwa dang yoh, da poi 80% kiwa chait ha India

Advertisement ad1

La le sngi da tam biang kiwa dang chait bar ya kiwa dang yoh COVID-19 ha India ha kini ki 24 kynta hadooh i step ka 21 tarik katkam ka yukheiñ ka Ministry of Health & Family heiwa kiwa dang yoh da em ki 86,961 ngut.

Kiwa chait da em ki 93,356 ngut, kiwa yap da em sa 1,130 ngut katwa kiwa dang em ya uni khñiang da hiar ki da 7,525 ngut.

Advertisement ad1

Na ki jylla wa boon dooh kiwa dang chait toh ha Maharashtra 26,408 ngut, Andhra Pradesh 10,608 ngut, Karnataka 8611 ngut, Uttar Pradesh 6584 ngut, Tamil Nadu 5206 ngut, Odisha 4018 ngut wa ha Delhi 3742 ngut.

Na ki 15 tylli ki jylla wa da hiar kiwa dang em ya uni u khñiang, kiwa bood dooh kiwa da duna toh ha Maharashtra 6236 ngut, Andhra Pradesh 2927 ngut, Telangana 937 ngut, Uttar Pradesh 920 ngut, ha Assam 582 ngut wa ha Karnataka 521 ngut.

Waroh kiwa chait hapoh ka ri da em ki 80.12% iwa ku naka 79.68% kiwa em 43,96,399 ngut; kiwa dang em ya uni u khñiang da em ki 18.28% kiwa em 10,03,299 ngut wa 1.60% kiwa yap kiwa em 87,882 ngut. Waroh da em 54,87,580 ngut kiwa da dep yoh COVID-19.

Kiwa chait da tam ki da 33,93,100 ngut ya kiwa dang em ya uni u khñiang iwa ku da 1,00,881 ngut nadooh ynnin ka sngi.

Share this:
Previous

Chah Suspend 8 ngut ki MP ka Rajya Sabha

Next

Mih saka chukor paidbah deiwa kular booh Mobile Tower