U Union Minister of State (Independent Charge), Development of North Eastern Region (DoNER), MoS PMO, Personnel, Public Grievances, Pensions, Atomic Energy and Space, u Dr. Jitendra Singh ynne ka sa sngi da pynlait u ya u chap (Logo) kamjooh i rwai neibynta ka tamasa “Destination North East-2020” (The Emerging Delightful Destinations) lyngba ka Video Conference.
Ya kani ka tamasa wa 4 sngi daw wai yaka da u Union Minister for Home Affairs u Amit Shah haka 27 tarik uni u bnai deiwa emlang u Dr. Jitendra Singh kam u symbood kongsan. U kongsan won wow wan pynhaap pyrda ya kani ka tamasa haka 30 tarik toh u Kiren Rijiju, Union Minister of Youth Affairs and Sports, heiwa u Rameshwar Teli, Union Minister of State for Food Processing Industries daw man u kam u symbood kongsan.
U Dr. Jitendra Singh ynne da ong u wa ka thaaiñ North East daw man ko ka thaw uiñke suwari wa ka-it dooh ha India hadien ka khlam COVID-19. Da ong u leh wa kani ka tamasa “Destination North East 2020” toh yow pynchlur yaki para ri wow lai uiñke chwa hapoh ka ri bar yow lai cha baar ri. Da ong u wa ini daw yarap ko yow pynku yei yoh i kot ki para ri khamtam ha ki kaam wa yatoh waka kaam uiñke suwari.
