Jowai: Kam chibynta wow pynsñiawthooh chooh chooh ya i ktah na i poor yong ka khlam næ u khñiang COVID-19, ynne ka sngi ka chnong Pasyih, West Jaiñtia Hills District, deiwa ya krehlang wa ki VDP ka chnong da pynman ki yaka yalang pynsñiawthooh deiwa saam yaki Mask cha kiwa chong chnong kamjooh leh cha kiwa yah kari mator wa lai lyngba kani ka chnong kawa haap hapoh u sarok-bah namo ka National Highway.
Ynne ka sngi ha ini saam ya ki Mask da yahkhmat da u Chairman ka chnong u Kermi Dkhar, President VDP u Shain Rymbai, Secretary VDP u Biang Rymbai deilang wa ki dkhot yong ka chnong wa ki VDP.
Neiliang u Kermi da ong u wa ini i saam ya ki Mask cha ki paidbah wa chong chnong kamjooh leh cha ki kari wa lai lyngba ka chnong, man ko kam i dak wow pynkynmoo wa i yada man ko iwa emkaam dooh, da ong leh wa neiliang ka chnong daw pynman leh sa kiwi ki yalang pynsñiawthooh paidbah heiyatoh wow yada na uni u khñiang COVID-19.
