15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Kynmoo ka Meghalaya Bharat Scouts & Guides, WJHD ya ka International Day of Peace

Advertisement ad1

Jowai: Ka United Nations General Assembly ha ka thong wow wanrah yei chongsuk chongsaiñ wei wow pynkhlan yeitæ i sñiaw yaman iwi hapyrdi ki ri waphær yong ka pyrthai, da pynbna ko wa ka 21 tarik u Naikhynde toh ka sngi watip deiwi i ktien kam ka International Day of Peace næ ka sngi wa kyrpang wow yaklam yeimiat i bha wei chongsuk chongsaiñ yong ki bru wa em ha chityllup pyrthai.

Ka United Nation ha uni u snem dajied kyrpang ko ya ka phang namo ka Theme kawa ong “Shaping Peace Together” iwa mut “Chirup u yaksohkti i wow wanrah yei chongsuk chongsaiñ”.

Advertisement ad1

Ka Meghalaya Bharat Scouts & Guides, West Jaiñtia Hills District kam kawi na ki seiñ wakreh wow wanrah yei tæ i sñiaw yaman iwi yong ki bru wa em ha ki dur ki rukom waphær, chibynta i yaksohktilang wei kynmoo warom ya kani ka sngi da pynman ko ya ka yachemlang wa tbian ha yung krehkaam yong ka, heiwa u Adiam U Bthuh, Jt. District Secretary, MBS&G West Jaiñtia Hills daman u kam u chongknor wei da yoh leh yei klam i batai chaphang kani ka sngi na u Julius Lyngdoh, Training Commissioner (S) West Jaiñtia Hills wa na ka S. Tariang, District Commissioner Guides,, West Jaiñtia Hills katwa ka  S. Shylla, District Organizer Guides won hawa kut da e ko ki ktien khublei.

U Julius hawa klam da ong u, hawa kdar ya kani ka sngi, iwa hakhmat toh u tip chwa i u wanrah yei suk ha i samen neitæ yow ye wan i u wanrah yei suk hakhmat ka pyrthai neitæ wow yoh yei suk ym mut ko leh wow tip i burom næ ya maya du kat ha i para bru, emkaam leh u tip i u burom u kheinkor ya kiwi, iwa mut u tip i leh u sñiawngooh makhane yei kyrkhu ka Rymaw wei kammon u yada pynneh pynsah i yei man wa yoosuk yong ka.

Ka S. Tariang hawa pachat ktien heiyatoh wa kani ka sngi, da pynkynmoo ko hapyrdi ki dkhot wow ye u wanrah yei chongsuk chongsain wei miat i bha, toh u man ki bru watip u burom kylliang wot hapyrdi i rukom im, rukom ngait wei rukom man wa yaphær, chooh chooh leh hajrong ka phang yong uni u snem, dakhut ko yei yakrehlang yong waroh ha kam ini i por wow khanglaad pyndoohjait ya ka khlam ka kjut COVID-19 kawa man ka kjut, ka khlam wa ktah ya waroh ka pyrthai wei da pynkut ko leh yei klam deiwa kynmoo ya ka khubor u Antonio Guterres, Secretary General, United Nations.

Share this:
Previous

Saam Mask ka Pasyih deilang waka VDP ka chnong

Next

73 ngut kiwa dang yoh, 15 ngut kiwa dang chait wa sa 2 ngut wa khlaad na u COVID-19 ha Meghalaya