Ki chipai ka Border Security Force (BSF) da yoh kem ki ya chiboon ki tiar yasiat deilang wa ki kuli wei da kem leh ya le ngut na Mamit District, Mizoram ynnin i janmiet.
Ki BSF da kem ki 30 tylli ki suloi wa kynthup ya 28 tylli ki AK-Series Rifles, kawi ka 5.56 MM AK-74 Rifle wa kawi ka Carbine 0.30 deilang wa 7894 tylli ki kuli wa boon jait kam ki 7.62 MM Ball – 5398, 5.56 mm CTN – 2490 waki .30” – 06 wa 28 tylli ki Magazine (26-AKM Magazines, 01 -7.62 MM AKM Belt Ammunition Box Type Magazine wa kawi ka Carbine .30 Magazine).
Ki BSF hadien wa youh yutip ki wa tikna wa daw em i kit ya kiwa boon ki tiar yasait ha ki thaaiñ khappood, da pynkrheh wei da yang ha rood ka chnong Phuldungsei ka Mamit District.
Ha ini, da yoh wow ksoh ya ar tylli ki kari kawi ka Mahindra Thar (MZ-01K-5262) waka Mahindra Pickup (MZ-01L-4949) ha South Phuldungsei-West Phuldungsei Road iwa jngai kamwa 15 Km na u pood waka Bangladesh.
Ya kiwa da chah kem tip kam u Lalhuapzauva (56), Vanlalruata (25) wa u Liansanga (46).
Da yoh leh wow kem yaka poisa wa T. 39,020 wa kiwi de ki tiar na kini ki bru.
