Ka sorkar Meghalaya kam chibynta wow bood yaka hukum wa da pynmih daka Ministry of Home Affairs ini wa dep kawa da e bor yaki sorkar jylla wow booh yaki kyndon wow wai biang ki thaw puræ, ynne da pynmih kyndon ko heiyatoh wow wai biang ki skur hapoh ka jylla.
Ym pu chah wow wai ki skur ki College wa kiwi ki thaw puræ kamwa jooh wei u man hi ki kiwa khang hadooh wa da pynbna da kamwi tawon tangwa chah hi wow wai neibynta wow yachem ki khynnah wa kiwa sikai yow yoh ki yei batai pynche ya iwa ym sñiawthooh ki lane kiwa chem chitom ki kamjooh yow li e yaki kaam wa da phah leh yaki wa kiwi kiwi.
Waroh ki skur toh u pynkhreh hi ki yaki kaam sikai namo ka Continuous Learning Plan wei da pynchlur wow pteiñ yaka e sikai lyngba ka Online/Distance Learning.
Waroh ki skur toh u pynkreh ki kammon wow wankreh ki wakreh 50% wa kynthup ya kiwa sikai wa kiwi ki wakreh hapoh ka sur.
Du ki khynnah wa puræ Class 9 hadooh Class 12 kiwa chah wow lai cha skur iwa man leh dei mon sñiawbha yong ki ym toh dei pynbor wei kiwa wan cha skur toh u yoh bor ki na ki bei ki pa yong ki deiwa e dei thoh.
Kiwa sikai ha ki Elementary School toh u lai kreh ki katkam wa da pynkreh deiwa booh yaka Roster Duty Chart.
Ki skur hap ki leh wow pynbait yei por wa wai yaki skur neibynta ki khynnah deiwa ym toh wow ksoh slem yaki khynnah hapoh skur.
Ya i pynkhreh ya iwa toh u puræ u sikai da booh haka website www.megeducation.gov.in waka MBOSE website ha www.mbose.in.
Lada pynemkaam yaki School Bus, ya ki da pynlait naka kyndon pynlai kari Odd/Even lada em kini ki kyndon.
Ya ka yutip wa bniah hajrong kani ka hukum ye u yoh deiwa click heini.
