U montri rangbah ka jylla, u Conrad K. Sangma ynne da chimbynta u ha ka Virtual Meeting namo ka yalang lyngba ka Internet wa khut pynman da u Minister of State (Independent Charge) for Tourism, u Prahlad Singh Patel wow yaklam pynsuk ya ki kyndon uiñke suwari hapoh ka ri.
Neiliang u Conrad da pyntip u ya u Patel hajrong ki kaam wa da leh ka sorkar jylla wow pynku ya ki kaam uiñke suwari hapoh ka jylla.
Da ong u wa ka jylla Meghalaya da pynkhreh ko wow pdiang ya kiwa uiñke deiwa pyntip leh wa da soi ya ka Memorandum of Agreement (MoA) wa ka karkhana pynlai lieñsuiñ namo Private Airline Company wow pynkrehkaam ya ki lieñ suiñ na Delhi cha Shillong.
Da ong u leh wa ka Direct Flight na Delhi cha Shillong wei na Shillong cha kiwi ki nongbah ki jylla ka thaaiñ mihsngi daw wailad ko ya i khih i kreh na kani ka bynta.
Chooh chooh da pyntip u wa palat 22 million ngut kiwa lai uiñke na India cha baar ri, kiwa kwah wow pynlut ha ki kaam wa kynsai cha baar wei ye u pynku ya ka kaam uiñke ha ka thaaiñ deiwa chim kabu ya kini nei ktah ka khlam COVID-19 khnang wow wan ki cha i yow yoo ki yei miat ka thaaiñ.