La 5 sngi kiwa dang yoh COVID-19 da em ki hapoh 70 hajar ngut heiwa ha kini ki 24 kynta kiwa dang yoh da em ki 63,371 ngut, kiwa dang chait da em ki 70,338 ngut, kiwa dang yap 895 ngut iwa mut wa kiwa dang em ya uni u khñiang da hiar ki da 7,862 ngut, katkam i yukheiñ ka Ministry of Health & Family Welfare.
Kiwa dang chait kiwa boon dooh toh ha Maharashtra 13,714 ngut, Karnataka 8,841 ngut, Kerala 7,082 ngut, Andhra Pradesh 5,622 ngut, Tamil Nadu 5,055 ngut, Uttar Pradesh 3,239 wa ha West Bengal 3,179 ngut.
Da em leh 22 tylli ki jylla kiwa da boon kiwa dang chait ya kiwa dang yoh ha kini ki 24 kynta kiwa boon dooh ha Maharashtra 3,825 ngut, Andhra Pradesh 1,622 ngut, Tamil Nadu 694 ngut, Jammu & Kashmir 681 ngut wa ha Uttar Pradesh 603 ngut.
Kiwa da chait hapoh ka ri da em ki 87.56% iwa ku naka 87.36% kiwa em 64,53,779 ngut, kiwa dang em ya uni u khñiang da em ki 10.92% iwa hiar naka 11.12% kiwa em 8,04,528 ngut, kiwa yap da em ki 1.52% kiwa em 1,12,161 ngut. Waroh da poi 73,70,468 ngut kiwa da dep yoh ya uni u khñiang.
Kiwa da chait da tam ki da tam ki da 56,49,251 ngut ya kiwa dang em ya uni u khñiang iwa ku da 78,200 ngut nadooh ynnin ka sngi.