Ynne ka sngi da lehwarom ya ka World Food Day wa ya ka lyngkhooh snem wa 75 yong ka FAO ha yung krehkaam District Agriculture Office hajrong ka phang “Grow, Nourish, Sustain. Together” ha Baghmara, South Garo Hills.
Ya ka yalang lehwarom da pynlai da u B.R. Sangma, ADO(Hqr), Baghmara heiwa da yoh ya ki kyntien lamphang hajrong ka World Food Day na ka Bidanchi Marak (Asst. Technology Manager, ATMA), heiwa u P. Mawa (District Agriculture Officer), uwa da pynchlur ya ki warep wow rep ya ki mar kiwa tei yei doh i pran ki bru.
Da ong u leh wa nei em ka khlam COVID-19 da emkaam bha wow pynmih chooh chooh ya ki mar baam neibynta kiwa dooh wa kiwa wan na ki manyung wa em i duna hei yoh i la kiwa da chah ktah dooh na kani ka khlam.
Ha kani ka sngi da yoh leh i klam na u Brejickson A. Sangma wa ka Barmita D Sangma kiwa da khana parom hajrong i chem yong ki heiyatoh wa i rep i riang.
Ya ka lehwarom da pynkut da ki kyntien khublei na u Zicco Haddy R Marak (Asst. Technology Manager,ATMA) wei da saam leh ya ki symbe cha ki warep.
