15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Dap 36 snem nadooh wa sdang ya ka NSG namo ki Black Cat Commandos ka ri

Advertisement ad1

Ka National Security Guard (NSG) kawa man kawi na ki chnat pulit wa kyrpang ka India kawa em hapoh ka Ministry of Home Affairs (MHA) ynne da lehkmen ko ya ka lyngkhooh snem wa 36 namo ka 36th Raising Day ka yong ka.

Ya ka NSG da sdang ha ka 16 tarik u Naichiphaw 1984 wei i kaamram yong ka ym du wow yaleh namo wow yakhun pyrchah ya ki damok wa kieñ suloi tangwa wot wow  sonteri leh ya ki heh sorkar wa ki heh seiñ saiñ pyrthai tangwa nadooh u Duyatra (January) 2020, da pynsangeh noh wow sonteri ka NSG ya ki VIP khnang wow ye ko wow pynlai yumut hajrong ki kaam yong ka wow yaleh pyrchah ya ki damok kieñ suloi namo Counter Insurgency.

Advertisement ad1

Ka NSG toh ka chnat pulit wa da chah ehiki hajrong kiwa boon ki kaam nadooh wow yaleh pyrchah yei rahbor ya ya ki lieñsuiñ, ki kari, ki lien iwa tip leh kam i Hijacking, da chah hikai leh wow thooh wei wow tynyap ya ki Bomb, wow pynlait ya kiwa chah kset yabor (Hostage Rescue) wa kiwi kiwi.

Ya ki dkhot namo ki pulit ka NSG da jied na ka Indian Army, Indian Police Service, Central Armed Police Force wa kiwi kiwi.   

Kam wow pynkynmoo heini wa ka NSG da embynta ko ha kiwa boon ki kaam nadooh ka Operation Black Thunder, ha u snem 1986; ka Operation Black Tornado heipor wa hiar thma ki damok Pakistan ya kawa tip kam ka Mumbai Attack, ka NSG da embynta bha ko wow tynyap ya kini ki damok waroh wei wow pynlait ya kiwa chah kset wa ha ka Pathankot Attack ha u 2016 wa kwi kiwi.

Hadien u snem 2008, neiliang ka sorkar pyrdi da rai ko wow sdang noh ya ki chnat ka NSG ha kylleiñ ka ri, kam ha Mumbai, Kolkata, Hyderabad wa Chennai. 

Ynne ka sngi kawa man ka lyngkhooh snem wa 36 nadooh wa sdang ya ka, ynne ka sngi neiliang montri rangbahdooh ka ri, u Narendra Modi da ekhublei u ya ki pulit ka NSG kamjooh wa kiwa hayung hasem yong ki neibhah wa ka NSG man ko u budloom wa khlan wow yada ya ka ri.

U montri ki kaam pohyung ka ri, u Amit Shah leh da ekhublei u ya ka NSG deiwa ong wa da ye ko wow yakhun ya i eh i khoo waroh wei man ko ka chnat kawa khroo kawa paaw tam ha ka pyrthai.

Chooh chooh u montri khynnah ka sorkar pyrdi uwa pait ya ka chnat kaam pohyung, u Kirren Rijiju leh da ekhublei u ya ka NSG  deiwa ong leh wa man ka ri kawa sarong neibhah wa kini ki Black Cat Commandos ye ki wow pyntieñ  wot  ya ki damok kieñ suloi.

Share this:
Previous

Da lehwarom ya ka World Food Day 2020 ha Baghmara

Next

Daw pynkup burom ka KSU Wapung Unit ya kiwa leh bha ha ka puræ puthi