Ka chnong Daistong, East Jaiñtia Hills man ko kawi na ki chnong wa im nei rep i riang heiwa em hadooh kamwa 60% kiwa rep sy’iñ ha ka chnong Daistong.
Ha kani ka kynti kiwa rep sy’iñ da dap ki dei mynsien wa sñiawsih wei mynsien wa kthang nei joor ware u slap ha kini ki bnai l’yur uni u snem uwa da ktah ya kiwa boon ki thaw rep yong ki.
Neiliang ki warep sy’iñ da yaleh ki wow thooh ki laad yada lyngba ki dawai dachin, tangwa u sy’iñ da sepai u la kamwa 70% neiwa jooh rep ki, da ong u Vestperson Sutnga uwa man kam u Secretary ka chnong Daistong.
Da pyntip u wa ki warep ym yoh de ki wot tang ya u symbe neibynta ki snem wow wan wow pynku yei rep yong ki wei hanlada pyrchang ki wow paan yarap na ka sorkar lyngba ka chnat i rep i riang tangwa ym sñiaw yoh mynsien de ki neini uwa da eh ya ki wow pynkhai im biang kamwa jooh.
