15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Daw pynkup burom ka KSU Wapung Unit ya kiwa leh bha ha ka puræ puthi

Advertisement ad1

Ka KSU Wapung Unit daw pynman ko ya ka Maitshaphrang Academic Award 2020 ka wow pynsahkynmoo wei leh burom ya ki khon ka chnong Wapung kiwa wan chakhmat kamjooh kiwa da leh bha ha ka puræ puthi ki yong ki ha uni u snem 2020. Ya kani ka Award wow e cha ki khon ka chnong toh du ya kiwa yoh 60% chaneiñ ha ka Examination SSLC wa ka HSSLC (Academic Year 2020) yong ka MBOSE, CBSE, ICSE wa kiwi kiwi de, wei ya kani ka Award u e du ya ki khynnah puræ kiwa chong kiwa sah ha ka chnong Wapung Shnong wa ka chnong Wapung Skur.

Ka seiñ da chim ko ya kani ka laad toh wa em ko i thmu kam ka seiñ ya ki khon ka chnong yow man ki kiwa nang ku chooh chooh ha ka puræ puthi ka yong ki, wei lyngba kani ka khusnam yow nang pynchlur wei nang e mynsien chooh ya ki khon ka chnong yow wanrah burom ya ki chnong wei ka jylla hi waroh kawi.

Advertisement ad1

Ka KSU Wapung Unit da khut ko ya ki khon ki ar chnong (Wapung Shnong wa Wapung Skur) kiwa da pass bha, wa emkaam u pynpoi ya ki kot ka sla kam ka Marksheet (Xerox Copy) wei ya ka sngi wa khaddooh u pynpoi ya ki kot ki sla toh ha ka 31 tarik uni u bnai (October), 2020. Ya ka tarik wow saam khusnam daw pynbna hadien.

Ya ka yutip wa bniah ye wow phone ha kini ki Number-9383052286, 8119830179, 8837348828.

Share this:
Previous

Dap 36 snem nadooh wa sdang ya ka NSG namo ki Black Cat Commandos ka ri

Next

Neidaw u slap, sepai hadooh 70% u sy’iñ ha chnong Daistong