Ka India la chi tayaw da ye ko wow pynneh ya kiwa dang yoh thymme ya u COVD-19 hapoh 70 hajar ngut wei kiwa chait leh dang pteiñ ki wow boon ya kiwa dang yoh heiwa ha kini ki 24 kynta kiwa chait da em ki 72,614 ngut, kiwa dang yoh da em ki 61,871 ngut, kiwa dang yap 1,033 ngut iwa mut wa kiwa dang em ya uni u khñiang da hiar ki da 11,776 ngut katkam ka yukheiñ ka Ministry of Health & Family Welfare.
Kiwa boon dooh kiwa dang chait toh ha Maharashtra 14,238 ngut, Karnataka 8,893 ngut, Kerala 7,991 ngut, Andhra Pradesh 5,529 ngut, Tamil Nadu 5,005 ngut, Uttar Pradesh 3,528 ngut, West Bengal 3,183 ngut wa ha Delhi 3,154 ngut.
Da em leh 27 tylli ki jylla kiwa da boon kiwa dang chait ya kiwa dang yoh ha kini ki 24 kynta heiwa kiwa boon dooh toh ha Maharashtra 4,442 ngut, Andhra Pradesh 1,877 ngut, Karnataka 1,780 ngut wa ha Odisha 663 ngut.
Waroh kiwa da chait hapoh ka ri da em ki 88.03% kiwa ku naka 87.78% kiwa em 65,97,209 ngut; kiwa dang em ya uni khñiang da em ki 10.45% kiwa da hiar naka 10.70% kiwa em 7,83,311 ngut wa 1.52% kiwa yap kiwa em 1,14,031 ngut. Waroh kiwa da dep yoh da em ki 74,94,551 ngut.
Kiwa da chait da tam ki da 58,13,898 ngut ya kiwa dang em ya uni u khñiang kiwa ku da 84,390 ngut nadooh ynnin ka sngi.
