15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Da sah sa le tylli ki jylla wa em palat 50,000 ngut kiwa dang em ya u COVID-19

Advertisement ad1
Advertisement ad1

Ka India dang pteiñ ko wow duna kiwa dang em ya u COVID-19 katwa dang lai ki sngi kiwa katni da em hapoh 8 lak ngut la ar sngi kiwa em 7,83,311 ngut hadooh ynne ka sngi iwa man 10.45%.

Ini da pynman ko ya 22 tylli ki jylla wow em duna 20,000 ngut kiwa dang em ya uni u khñiang.

Advertisement ad1

13 tylli ki jylla da em ki palat 20,000 ngut kiwa dang em ya uni u khñiang tangwa hapoh 50,000 ngut katwa 3 tylli ki jylla kiwa em palat 50,000 ngut kiwa dang em ya uni u khñiang kitæ ka Kerala 96,100 ngut, Karnataka 1,10,666 wa ha Maharashtra 1,85,750 ngut.

Iwa duna kiwa dang em ya uni u khñiang toh nei u boon kiwa dang chait khlem sangeh ha kini ki sngi kiwa da em waroh 65,97,209 ngut. Kiwa chait da tam ki da 58,13,898 ngut ya kiwa dang em ya uni u khñiang wei kiwa chait leh da poi ki 88.03% ynne ka sngi.

Kiwa dang chait ha kini ki 24 kynta da em ki 72,614 ngut katwa kiwa dang yoh da em ki 61,871 ngut.

79% na kiwa dang chait toh kiwa na 10 tylli ki jylla. Heiwa ha Maharashtra da em ko palat 14,000 ngut kiwa dang chait haka chi sngi.

Na ki 61,871 ngut kiwa dang yoh ha kini ki 24 kynta, 79% toh toh kiwa na ki 10 tylli ki jylla.

Ka Maharashtra da em ko kiwa boon dooh kiwa dang yoh thymme deiwa em palat 10,000 ngut pynbood won sa ka Kerala deiwa em palat 9,000 ngut.

Da em leh 1033 ngut kiwa dang yap kiwa 86% kiwa toh na ki 10 tylli ki jylla heiwa 44% na kini toh na Maharashtra kiwa em 463 ngut.

Share this:
Previous

COVID-19: Poi kiwa da chait cha ka 88.03% ha India

Next

Dawa ki soo seiñ wow pynchitom ya kiwa lai e dorkhat ha u Lat kiwa pynchongchit niam