Ka Passing Out Parade deiwa bood yaka Social Distancing da pynman ynne ka sngi neibynta ki 2nd Batch Basic Training Recruit Constables ka 6th MLP Bn., ha Meghalaya Police Academy, Umran.
Da em 124 ngut kiwa da pyndep yei pynkhreh yong ki wa kynthup ya 116 ngut ki chynrang wa 8 ngut ki kynthai; kiwa pyndep yaka chah sikai wa 44 tayaw, wa kynthup yaka Law & Order, Counter Insurgency Operations wa kiwi kiwi de.
U R. Chandranathan, IPS Director General of Police, Meghalaya da man u kam u kongsan wei hei klam yong oo da pdiang u ya ki cha ka Meghalaya Police wei da yaroh u leh ya ki yei pliah wei ryntih i leh Drill ki. Da pynchlur u ya ki leh wow nang pynbniah yaka yutip yong ki heiyatoh waka aiñ kam kiwa pait yaka aiñ.
Ha kani ka sngi da saam khusnaam leh cha kitu kiwa da leh bha ha kini ki tayaw wa e sikai wa kynthup ya BNRC Pentune R. Marak (Best Trainee in Physical Training), BNRC Jigash I. Sangma (Best Trainee in Drill), WPRC Doloris Pariong (Best Trainee in Outdoor Subjects), BNRC Makri Dkhar (Best Discipline Trainee), BNRC Davy John Suciang (Best Trainee in Musketry) wa BNRC Sporningstar Kharpuri (All Round Best Trainee).
