U MLA ka BJP u Sanbor Shullai uwa man leh kam u Chairman ka Meghalaya Tourism Development Corporation, ynne ka sngi da thoh u cha u Amit Shah, Minister of Home Affairs yow pynbiat noh ya u pood u ang hapyrdi ka Assam wa Meghalaya.
Haka chiti da ong u wa em boon ki thaw wa em i kajia pood iwa da wanrah yei pisa lang-aa mynsien kamjooh ki awri awra na waroh arliang u pood wei ini da wanrah yei chitom wow pynkrehkaam yaki kaam pynroi neidaw wym ye u pynbait ya u pood.
U Sanbor da ong u wa ki bru ka Meghalaya toh kiwa maya yei suk tangwa ki jia cha khappood da ktah ko leh yaka jylla waroh kawi hadooh wa da thut ka imlang sahlang.
Kamtæ kam chibynta i rai ka sorkar pyrdi yow pynbait ya waroh ki kajia pood hapyrdi ki jylla ka North East chwa u kut u 2021, u Sanbor da kyntu u ya ka sorkar pyrdi wow tuklar yow pynbait noh ya u pood hapyrdi ka Assam wa Meghalaya.
Chooh chooh da ong u wa lada ka sorkar ye ko wow leh ya ini, daw yarap ko wow e mynsien ya ki wakreh ka Party ha kani ka thaaiñ kamjooh yow pynkhlan leh yaka Party neibhah lada ye wow pynbait ya u pood daw neh parom chi rta iwa daw wanrah leh yei chaniah ki bru haka Party.
