U Commissioner & Secretary ka chnat Health & Family Welfare Department ka Meghalaya u Sampath Kumar, (IAS) da pyntip u heiyatoh i pynkrehkaam yaki kyndon wa hap dei su yaka Test COVID-19.
Da pyntip u wa yow pynman yeiwa leh Test wa ye ki bru wow su hapoh ka jylla, da booh ya kini ki dor ha wah:
| Sl. No. | Particulars | Rates per test (in Rs.) |
| 1. | Rapid Antigen Test (RAT) | Rs. 500/- |
| 2. | RT-PCR Test | Rs.1000/- |
| 3. | TruNaat Test | Rs.1500/- |
| 4. | CBNAAT Test | Rs.3000/- |
Kini ki dor man ki leh neibynta kitu kiwa chah Test ha ki Entry Point.
Ya kitu kiwa wan na ki manyung wa haap haka Below Poverty Line (BPL), ki manyung wa em yaka Yellow & Pink NFSA Card, kiwa da phah ya ki wow Test ki, ye ki wow leh ya ini dei mynkna ha kiwon kiwon ki thaw Test kiwa man ki yong ka sorkar donhi. Lada leh ha ki thaw yong ki bru samen daw hapoh wow su.
Ya kitu won kiwa man kam ki High Risk Contact namo kiwa em hei maa wow yoh ya uni u khñiang kiwa em ha ki Containment Zone wei kiwa da phah da ka chnat i chait i khiah, ym hap ki wow su yaka bai Test.
Kiwon kiwon ki bru kiwa kwah hi wow Test dei mon yong ki hi kiwa kynthup ya kiwa em yaka MHIS Card kiwa kwah wow leh yaka Test RT-PCR/CBNAAT/TruNAT khlem da phah da ki Doctor daw hap ki wow su dei dor.
Kini ki dor toh kiwa krehkaam nadooh ka 29 tarik uni u bnai.
Ki thaw Test sorkar man ki kamni ha wah:
- Pasteur Institute, Shillong
- Civil Hospital, Nongpoh
- Civil Hospital, Tura
- Community Health Centre, Resubelpara
- Civil Hospital, Bhaghmara
- Civil Hospital, Williamnagar
- Civil Hospital, Nongstoin
- Community Health Centre, Khliehriat
- Civil Hospital, Ampati
- Community Health Centre, Mawkyrwat
- MCH Hospital, Jowai.
Ki thaw Test yong ki bru samen man ki kamni ha wah:
- Nazareth Hospital, Shillong
- Bethany Hospital, Shillong
- H.G.Roberts Hospital, Shillong
