La 6 sngi kiwa dang yoh COVID-19 ha India da neh ki hapoh 50 hajar ngut heiwa ha kini ki 24 kynta kiwa dang yoh da em ki 48,268 ngut, kiwa chait da em ki 59,454 ngut, kiwa dang yap 551 ngut iwa mut wa kiwa dang em ya uni u khñiang da duna ki da 11,737 ngut katkam ka yukheiñ ka Ministry of Health & Family Welfare.
Kiwa chait dang pteiñ ki wow tam ya kiwa dang yoh nadooh ka 4 tarik uni u bnai heiwa da em leh 18 tylli ki jylla/UT kiwa em ya kiwa chait wa palat yaka National Average kawa 91.34% heiwa kiwa boon dooh kiwa chait toh ha Dadra & Nagar Haveli & Daman & Diu kawa da em 98.43% kiwa da chait, pynbood sa ka Andhra Pradesh 95.97% katwa hei wa le da yoh ka Bihar kawa da em 95.74% kiwa da chait. Na ki jylla na North East kiwa emlang ha kini ki 18 tylli ki jylla toh ka Assam, Tripura waka Sikkim.
Kiwa boon dooh kiwa dang chait ha kini ki 24 kynta toh ha Karnataka 8,521 ngut, Maharashtra 8,241 ngut, Kerala 7,828 ngut, Delhi 4,433 ngut, West Bengal 4,015 ngut, Tamil Nadu 3,924 ngut wa ha Andhra Pradesh 3,623 ngut.
Da em leh 28 tylli ki jylla kiwa da boon kiwa chait ya kiwa dang yoh ha kini ki 24 kynta kiwa boon dooh ha Karnataka 4,981 ngut, Maharashtra 2,178 ngut, Tamil Nadu 1,354 ngut wa ha Kerala 1,218 ngut.
Kiwa da chait hapoh ka ri da em ki 91.34% kiwa ku naka 91.15% kiwa em 74,32,829 ngut; kiwa dang em ya uni u khñiang da em ki 7.16% kiwa hiar naka 7.35% kiwa em 5,82,649 ngut; wa 1.49% kiwa yap kiwa em 1,21,641 ngut. Waroh kiwa da dep yoh ya uni u khñiang da em ki 81,37,119 ngut.
Kiwa chait da tam ki da 68,50,180 ngut ya kiwa dang em ya uni u khñiang iwa ku da 71,191 ngut nadooh ynnin ka sngi.