Ki kari heh kiwa kit mar wa toh u lai na u sarok Shillong Bypass da phah psiah yaki na sor Shillong haka hukum wa da pynmih haka 29 tarik uni u bnai kawa da mynjur leh da u Chief Secretary ka jylla Meghalaya.
Ya ini da leh hadien wa ka yingkieñ wa em ha Dwar Ksuid, Umroi ha u sarok Shillong Bypass da sdang ko wow tlot wow lai luti ki kari heh hadien wa pyntip u Project Director ka NHAI wa da sdang ko wow piah.
Kamtæ ynne i miet da sdang kiwa boon ki kari heh wow lai luti noh na sor Shillong kiwa khia palat 10 MT katkam ka hukum ya kiwa wan na ri-loom Jaiñtia wa kiwa lai cha ri-loom Jaiñtia.