Jowai : Ynnin ka 23 tarik da mih pyrthai sa kawi ka seiñ hapoh ri-loom Jaiñtia kawa tip kam ka Jaiñtia Awakening Movement (JAM) heiwa i thong yong ka toh yow pynku ya i puræ puthi, ki kaam sports wa i dooh kaam ki khynroo khyllood.
Kani ka seiñ leh ong ko wa daw dawa ko na ka sorkar yow booh ki ya ki College Engineering, Medical, Agriculture wa kiwi kiwi.
Kiwi de ki thong yong ka seiñ toh yow wanrah yei ya tylli hapyrdi ki bri u Ynñiaw Trep Ynñiaw Skum. Yow yaleh pyrchah ki kaam wa sih wa chah kdoh ki khynroo khyllood kam i dih ya kiwa pynmuaid, i chong kha khleh, yow kreh khamtam yei wan tia ki bar jylla wei wow pynyoh ya u pood u ang wa pura yong ki khon u Ynñiaw Trep Ynñiaw Wasa wei da kyntu ki leh ya waroh ki khynnah khynroo khyllood yow ya kreh lang wa ki.
Ki dkhot kani ka seiñ da rai ki u sdang ya kani ka seiñ ka JAM hadien wa da chong pyrkhat bha ki hei emlang wa u Chief Advisor ka seiñ u Phyrnai Swer.
Ha ka yalang yow pynbaam smai ya ki dkhot ka JAM iwa leh da u Justice Paul Lyngdoh (Educational Secretary) KSU Jaiñtia Hills da thung ya u Wankishwa Mawlong kam u President, Jesril Shylla kam u Vice President, Apphira Lamurong kam u General Secy, Listering Shadap kam u Astt Secy, Lalrinzuala Thiete kam u Organising Secy, Damon Garod kam u Education Secy, Manha O Syad kam u Sport Secy, Tricky Mukhim Finance Secy, Thrang Ki O Pohti kam u Cultural Secy, Janailang Marbaning kam u Publicity Secy wa u Manbha Bamon kam u Astt Secy.
Discussion about this post