Shillong: U Montri wa pait ya i kaam pohyung yong ka jylla (Police), u Lahkmen Rymbui da ong u wa ka sorkar daw hap kow wow thooh bniah ya i tre hawa yatoh wa i pynbaad wa em i khrong poisa pyrchah yaka aiñ da ki pulit ha ka sarok Jowai Bypass kawa haap hapoh West Jaiñtia Hills District.
Da ong u wa ye u man wa em ki bru kiwa wit wei ki wym kwah wow em ki Check Point khnang yow yoh ki u chalan pyrchah yaka aiñ, deiwa pynrap wa hanla i pharep em ko, ka sorkar daw pait bniah ko neibhah lada em ki pulit leh chah pynbaad wei lada ym em ki pulit wa pait leh daw em ka chah pynbaad.
U Rymbui da ong u wa i pharep da em ki nadooh nachwa, lada man ha iwon iwon i i rukom, tangwa da em leh ki pynbaad wa em ki kari kiwa lai pyrchah yaka aiñ lane kiwa khayi tooh, wei yow yada ya ini, ki pulit da pyrchang ki wow booh ya ki Check Point ya em ki bru wa thmu wow leh yaki kaam wa pyrchah yaka aiñ ki wym kwah wow em ki Check Point.
Hawa kylli, u Rymbui da ong wa ym em yutip u wa em sakhiat namo ym em itæ i khrong poisa pyrchah yaka aiñ wei da pyntip u leh wa hadooh kattæ ym pu em thung yaka takit hajrong itai i pynbaad neibhah wa ym pu chem wei ym pu em yoo ya itæ iwa da pynbaad, deiwa pynrap leh wa hachwa wow chim ya i rai, ka chnat ka hap ko wow pynchong yurim bha ya i pynbaad lada man ki kiwa sakhiat chwa ka sorkar u leh ko iyi iyi leh.
