Shillong: U Montri wa pait yaka chnat puræ puthi ka sorkar jylla, u Lahkmen Rymbui da pyntip u wa katni ki skur u pteiñ ki wow man kiwa khang ha kani ka jylla hadooh ka 15 tarik uni u bnai, tangwa ya i rai wei kamjooh i pynkhreh wow pynman ya ki Eksam neibynta ki khynnah skur, ka chnat daw chong ko ya ka yalang kawa da booh wow man ha ka 5 tarik uni u bnai.
Hanla ha kiwi ki jylla ka ri India da sdang wow pynman ya ki skur nadooh uni bnai, tangwa neiliang u Lahkmen da pynsñiaw u wa i rai wa da chim rap nachwa da ka sorkar jylla dang neh ko kamjooh, iwa mut wa daw neh hadooh ka 15 tarik uni u bnai, wei ya i rai wa thymme daw pyntip hadien ka yalang wa daw man.
Hawa jubab hajrong iwa kylli iwa yatoh wa i pynkhreh ki khynnah ki wow yakhun ya ki Selection Exams, u Rymbui da ong u wa ya kani ka phang leh, ka chnat puræ puthi daw chong bichaar ha ka 5 tarik uni u bnai, deiwa pynsñiaw wa kani ka yalang daw man ko hapyrdi ka MBOSE waka Education Department wei ha kani ka yalang daw ya phyllu yumut wei pyrkhat yillu yow chim ya i rai wa iwon wa biang wow leh yaka puræ puthi ha ka jylla.
Hajrong wow pynku Class bait ya ki khynnah khlem da yaleh Exam, u Lahkmen da ong u wa ini i phang leh daw bichaar bha haka 5 tarik hachwa wow chim ya i rai.
