Ka Sports Ministry ka India da mynjur ko ya ki 6 tylli ki thaw wow man kam ki Khelo India Centre of Excellence (KISCE) wei daw pynku kyrdan yaki deiwa booh yaka mang tyngka wa T. 67.32 klur kwa neibynta u snem mang poisa 2020-21 kawa daw pteiñ soo snem yow thooh wei wow pynpliah ya kiwa yalehke yow poi ki cha ka kyrdan wow chimbynta haka Olympic.
Ki thaw wa da chah jied man ki kamni ha wah:
Assam: States Sports Academy, Sarusajai – T. 7.96 klur
Meghalaya: JNS Complex, Shillong, Meghalaya – T. 8.39 klur
Daman & Diu: New Sports Complex Silvassa – T. 8.05 klur
Madhya Pradesh: MP State Academy – T. 19 klur
Maharashtra: Shree Shivchhatrapati Sports Complex, Balewadi, Pune – T. 16 klur
Sikkim: Paljor Stadium, Gangtok – T. 7.91 klur
Hawa klam hajrong ini, u Union Minister of Youth Affairs and Sports, u Kiren Rijiju da ong u, “I chna ya kini ki Centres of Sporting Excellence ha kylleiñ ka ri man ko kam chibynta ka thong yow pynman yaka India kam kawi na ki 10 tylli ki ri kiwa poi chakhmat dooh haka Olympics ha u 2028. Lada ym ye i wow e yaki thaw esikai kiwa miat kiwa biang katkam ka kyrdan kawa yahap waka juk wa katni, ym ye i wow yooluti wow ye kiwa yalehke yong i wow poi ki chakhmat haka Olympics. Ha kawi pa kawi kani ka chlem e sikai daw e yei sikai wa kyrpang ya jar jiar ki jait yalehke heiwa kawi na kani ka Centre daw man ko kyrpang ya kawi ka jait yalehke neibynta ka ri waroh kawi. Sñiawkmen O wa kawi pa kawi ka jylla da kyrchaan ki yeini wa e yarap deiwa chongchit mynsien.”
