Ynne ka sngi heipor wa wan u montri rangbah ka jylla, u Conrad Sangma ha Jowai wow pait ya i thaw wa thmu wow chna ya ka Mini Secretariat namo ka District Secretariat ha Jowai kamwa da thmu wow leh yei jooh ha Tura da yaklam u wa ki kattu katni ngut kiwa pathai khubor heiyatoh wa ki kaam wa ka sorkar jylla leh ko wei angnood ko wow leh.
Hawa yaklam wa kiwa pathai khubor, neiliang u Wyrta da wanrah u ya ka phang wa yatoh wa u pood u ang wa ka jylla Assam heiwa dei langær da em i thmu wow yaklam pynbait noh ya u pood, wei hajrong ini neiliang u Conrad da ong u wa da thoh u cha u montri rangbah ka jylla Assam heiyatoh wa ini ha u Wisu (March) uni u snem tangwa neidaw u COVID-19 ymyoh u yachem.
Da pynrap u leh deiwa ong wa dei langær da yaklam lyngba ka phone wa u montri rangbah ka Assam wei ki Chief Secretary wa ki Deputy Commissioner ki ar liang da yachem ki neipor cheipor manda emkaam.
Da kyrmen u leh wa ha ki por wa daw wan daw ye u pynbait noh ya u pood hapyrdi ki ar jylla.
