Ki pulit ka East Garo Hills da yoh biang ki wow kem yaki tiar yasiat kiwa suba toh kiwa murieh daka GNLA.
Ya ini da chem da ki pulit kiwa na Rongjeng kiwa da lai thooh ya kini tiar na i thaaiñ Nongchram Rongdu iwa em kamwa 9 Km na Rongjeng.
Ynne ka sngi heipor kamwa 10 waje i step ki pulit da yoh yutip ki na ki bru wa tikna wa em i murieh ya chiboon ki tiar yasiat kamjooh ki kuli ha thaaiñ Nongchram. Kamtæ u SP ka East Garo Hills da phah pynman u yei thooh ha ini i thaw wei heipor 3 waje i sngi ki pulit da chem ki yaki kuli suloi AK 7.62mm kiwa em 75 tylli, ki kuli 7.65mm kiwa em 12 tylli, ki kuli .38mm kiwa em 2 tylli wa ki kuli 9mm kiwa em 11 tylli.
I thooh ya ini i thaw dang pteiñ hi i.
Kam wow pynkynmoo wa ini wadep ki pulit ka East Garo Hills leh da yoh ki wow kem ya u heh ka ULFA(I) wei ha u bnai wa da dep da chem leh yaki kuli 7.71mm kiwa em 85 tylli kiwa pynemkaam haka Sniper Rifle.
