Katkam ka riti synchaar ka Ri India da tip kam ka rukom synchaar da u paidbah ya u paidbah hei ktien para wa tip kam “By The People For The People and Of The People”. Kani man ko leh ka synchaar paidbah næ ka Democracy.
Tangwa lyngngoh won wa kani man ko kawa mar dei kylla lada wyrchaw yei por nachwa wei por katni. Chwa wow psiah ka Ri Khasi Jaiñtia wa ka ri India da em ka soskular næ ka Agreement kam ka MOA wa ka MOU khamtam ka ANNEXTURE AGREEMENT 1948 kawa batai che yei psiah i wa ka ri India.
Tangwa katni da yoo yei chah yoohbeiñ ha kiwa boon ki rukom deiwa pynkrehkaam ya ki hukum wa ki aiñ wa boon rukom kam ka MUDA Bye Laws.
Nga ym sñiawthooh o yeini wow wanrah ya ka Municipal chapoh ka Shcedule Area khamtam hapoh ka jylla yong i heiwa da em chwa ki District Council ka wow pait ya ki wa boon ki myntoi yong i ki paidbah.
I ki Khasi Jaiñtia chooh chooh deiwa em ka Land Transfer Act ki baar jylla ym yoh laad ki wow thied thaw hapoh u pood u ang yong i kamtæ ter ter. Yeini da pynsakhiat da ka Constitution ka India kawa da klam che yeini lyngba ka Article 243 Z(C) Z(B) kawa batai chaphang i wa klam yei wym ye ka Municipal ko u psiah chapoh ki Schedule Area, tangwa ileh won kiwa mihkhmat yong i ym chynna ki yeini? Lada yoo ki ileh won pynkreh ki ya ka? Yi wow pyrkhat yeini? Toh phi ki paidbah wow pyrkhat yeini neibhah i kam ki tre emkaam u em i ha khlieh ymtoh kiwi tawan.
(Kani toh katkam wa thoh da u President ka MPUF – CGB u Dapoiwanmi Laloo)
Discussion about this post