Ka seiñ Hynniewtrep Student Union (HSU) da pynsñiaw ko yei sñiaw pyrchah kawa joor hajrong i thmu ka Star Cement wow pynman yaka Public Hearing haka 21 tarik ha pchem u DC ka East Jaiñtia Hills. Ka seiñ da dep ko wow pynsñiaw yei pyrchah deiwa phah dei thoh cha ka MSPCB wa cha u Deputy Commissioner, East Jaiñtia Hills.
Ka seiñ da ong ko wa i tih ya uni u mar daw kthah ko yaka rymaw, ka soodong sookun khamtam yaki khloo ki kjam, ki um ki wah wa ini i thaw tih moochuni daw jia ko du kamwa 1.4 Km naka Narpuh Wild Life Sanctuary wa 0.25 Km naka Eco Sensitive Zone wa 1.38 Km naka wah Lukha.
Ka seiñ da ong ko leh wa ka aiñ da klam che ko wa katkam ka Environment Impact Assessment Notification, 2006 kawa ong che wa i pynman yaka Public Hearing toh u pynman ha i thaw wa thmu wow tih ya u mar pohkhyndaw.
Chooh chooh ka seiñ da ong ko wa i thmu pynman ya kani ka Public Hearing toh kawa man pyrchah yaka aiñ.
