U Deputy Commissioner, East Jaiñtia Hills District da pyntip paidbah u wa ka Meghalaya Power Distribution Corporation Limited (ka chnat ka Meghalaya Energy Corporation Limited) da sdang ko ya ka MePDCL One Time Settlement Scheme, 2020, ya ki paidbah kiwa ym em u su ya ka bai bordiñ wa ki chnat sorkar kiwa sah ka bai bordiñ hadooh ka 31 Wisu (March), 2020.
Ka OTS Scheme yarap ko wow maap (Waive) hadooh 100% yong ka DPC (Delay Payment Charges) ka dan kawa hap su manda slem lane 30% na ka bai bordiñ wa dang sah iwa chong hei jied ki paidbah.
Kam wow kdaw heini ka 31 Wisu 2020, ka MPDCL toh u yoh pyllang ko hadooh T. 700 klur ka bai bordiñ yong ki snem wa da sah wei da kyrmen wa deiwa pynkrehkaam ya kani ka Scheme neibynta kiwa ym em de u su bai bordiñ wa kiwa ym em u yoh bai bordiñ da slem bha, daw ye u pynsuk noh yeini iwa daw yarap chiboon ya ka Corporation wow pyntikna wow pynpoi bordiñ khlem thut.