Ya ka Attestation Parade ka 42nd Batch ki Recruit Constables kawa da pynman ynne ka sngi hadien wa da dep wow e yaki sikai yow man kam ki pulit da pynman yaka ha 1st MLP Bn., Armed Police Training Center, Mawiong, Shillong.
Waroh da em 83 ngut kiwa pynpsiah kam ki pulit ynne ka sngi hadien wa da pyndep ki ya kiwa boon ki chah sikai nadooh wow pynkrehkaam yaka aiñ, u leh pyrchah ya ki seiñ kieñ suloi wa kiwi kiwi de. U Lahkmen Rymbui, Home Minister ka Meghalaya da man u kam u kongsan uwa da sylli yaka Parade kawa chongkun. Neiliang ki heh ki pulit kiwa da emlang, kynthup ki ya u R. Chandrananthan, IPS Director General of Police, ka I. Nongrang, IPS Addl. Director General of Police (L&O/TAP), u H. Nongpluh, IPS Addl. Director General of Police (SB/CID) wa kiwi kiwi de ki heh pulit.
Yaka Parade da yahkhmat da u BNRC Dahunpara Marpan u yong ka 4th MLP Bn. U Parade Commander u RC Seinbormitre Patwet ka F&ES kam u 2nd-In-Command.
Naki Recruit Constables kiwa da yoh khusnaam ha kani ka sngi kiwa da pynyoo yei sap yong ki hawa e sikai toh u RC Seinbormitre Patwet ka F&ES (Best Trainee in Exemplary), u RC Fredi Sumer ka MPRO (Best Trainee in Drill), u RC Mukesh Hajong ka MPRO (Best Trainee in Shooting), BNRC Dahunpara Marpan ka 4th MLP Bn. (Best Trainee in Outdoor), ABRC Richard Donaldson Thongngi ka East Khasi Hills D.E.F. (Best Trainee in Weapon) wa u BNRC Dahunpara Marpan of 4th MLP Bn. (All Round Best Trainee).
