U montri rangbah ka jylla, u Conrad K. Sangma ynne da chah pynkup burom u da ka Honorary Degree- ‘Honoris Causa’ ha ka Sharda University, Noida, Uttar Pradesh wei ya ini i burom da pynkup da u Vice Chancellor kani ka skurbah, u Dr. Sibaram Khara hei emlang u Union Education Minister u Dr. Ramesh Pokhriyal Nishank ha ka 4th Convocation Ceremony yong kani ka skurbah.
U Conrad hawa e i klam da ong u wa man i iwa emkaam ya kiwa sikai wa kiwa yahkhmat wow wanrah yei bha i miat ya ki khynroo khyllood khnang wow ye u wanrah ya ka ri sam chaphrang.
Da ong u wa ka skurbah Sharda University daw yarap ko chiboon ya ka ri wa ka jylla wow krehchitom khnang wow ye u wanrah yei kylla ha ka imlang sahlang ka ri wa ka Bei Rymaw.
Hawa e ya ki kyntien yaroh ya u Dr. Pokhriyal, u Conrad da ong u wa ka sorkar jylla yaleh ko wow esikai ya ki khynnah ha jar jiar ki sap wa em ki khnang wow ye ki u kreh wei wow tyrchaaiñ ha i kaam wa ki ka’it ki.
Ha kani ka sngi da pynkup burom leh ya u Dr. Pokhriyal da kani ka skurbah.
