Shillong: Uwa yahkhmat ka BJP wa pait ya ka Party ha Meghalaya, u Dr. M Chuba Ao da ong wa ym em iwon iwon i yaklam ha ka Party wow ya kylliang ya ka chuki Montri hapyrdi ki arngut ki MLA. Da ong wa kamwa man kattæ waroh ar ngut ki MLA ka Party ki hun ki ya i bhah ha ka sorkar MDA, wei da e ki ya i chakri wa bha ya ki paidbah ha ki kyrdan wa em ki.
Hajrong i ong u MLA ka BJP na South Shillong, u Sanbor Shullai wa em i yaklam ha ka Party wow chimkti marchiteiñ ka samoi krehkaam ya ka chuki Montri, u Ao da ong u wa ye wow man i pynsñiaw samen u MLA, neibhah wa ym em dei thoh.
Da ong u leh wa i kaam wow kylliang chuki ya ki Montri ha ka sorkar toh i bor yong u Montri Rangbah.
