Khliehriat: Ka seiñ Meghalaya People United Front (MPUF), ynne ka sngi da pynkha ko sa ya kawi ka chnat krehkaam yong ka haka chnong Pamra Paithlu ka wow tip noh leh kam ka Pamra Paithlu Unit.
Haka yalang wa pynlai da u Hamwer Bhoi uwa man leh u Publicity Secretary yong ka seiñbei, da emlang u President ka Khliehriat Circle, u General Secretary ka seiñ u Aimon Syad wa ki dkhot yong ka wa kynthup ya kiwa kitkaam thymme ka Unit deilang wa u President ka seiñbei u Dapoiwanmi Laloo uwa da pynsmai leh ya kiwa kitkaam thymme.
Kiwa kitkaam kynthup ki ya u President u Shanbor Rymbai, Vice President u Nipaya Rymbai, General Secretary u Vicky Rymbai, Assistant Secretary u Kobin Siangshai deilang wa 10 ngut ki dkhot yong kani ka chnat krehkaam.
Ha kani hi ka jooh ka sngi da pynsmai lang ya u Onikson Dkhar, Vice President wa u Kmenlang Siangshai Publicity Secretary yong ka Khliehriat Circle.
Ha kani ka sngi kiwa klam kynthup ki ya u Kyrshan Blah, u Aimon Syad wa u Dapoiwanmi Laloo uwa da e leh ya ki ktien sneiñ ya katai ka chnat krehkaam wa thymme yong ka seiñ deiwa kyntu u leh wow kreh hok yaki kaam kamwa da smai ki wow chim i kitkhlieh neibynta ka jaitbru khamtam yong ki paradoh para snam yong ka jylla Meghalaya.
