theme-sticky-logo-alt
theme-logo-alt
Advertisement ad1

Beh seiñ ka MPUF ya u President ka East Jaiñtia Hills

Advertisement ad1
Advertisement ad1

Ka seiñ Meghalaya People United Front (MPUF- CGB) seiñbei da pynsñiaw ko yei sñiawsih wa khroo hajrong i tyngkheiñ yong u President ka MPUF East Jaiñtia Hills District ya ka riti synchaar yong ka seiñ ya ka Article 7 dei wym burom de ya ka seiñ kamjooh ya kiwa yahkhmat yong ka seiñ.

Hawa yatoh wa ini neiliang ka seiñ da pynman ko yaka yalang yong ka seiñbei wa jhan wei ha ka yalang ka seiñ da iwi i sur da rai wow beh seiñ noh chi syndon ya u President yong ka MPUF East Jaiñtia Hills District u Michal Chyrmang wei hawa yatoh ya ini, lyngba i bor wa da pynkhamkti ha u President wa u General Secretary ka seiñbei wei kamjooh neiliang ka Disciplinary Committee da chim ya i rai wow pyndam leh yei man dkhot na ka seiñ wym tipmit de ya oo hapoh ka seiñ.

Advertisement ad1

Ka seiñ da pyntip ko leh cha waroh ki paidbah ka bri u Ynñiawrep wa ym toh de wow tipmit ya Michal Chyrmang kam u dkhot ka seiñ nadooh ynne ka sngi.

Ka kyrwoh na u Publicity and Information Secretary ka seiñbei u H. Bhoi.

Share this:
Previous

Chimkti noh kaka Sikh Regiment naka Gorkha Rifles wow sonteri yei thaw sah u President

Next

Pynkha chnat ka MPUF ha Pamra Paithlu