Shillong: Ka kynhun Myntri namo ka Cabinet yong ka sorkar jylla ynne ka sngi da mynjur ko wow pynkylla ya ka Meghalaya Minor Minerals Concession Rules 2016, hadien wa da bichaar ya iwa tyrwa yong ka Forest Department.
U Prestone Tynsong uwa man u Symbood Montri Rangbah ka jylla da ong u wa i pynkylla man ko deiwa pynpsiah chooh chooh sa ar jait ki rukom tih mar pohkhyndaw, iwi toh i tih ya ki mar pohkhyndaw na ki thaw rep yow pynbha chooh chooh ya i thaw rep, kam ya i khyndaw mo næ chyiap wei ya ini da e laad deiwa bood ya ki kyndon wei toh leh wow yoh yaka Mining Lease wa ka Quarry Permit.
Iwi won i tih yaki mar pohkhyndaw wa da pynpsiah thymme toh na ki thaw wym yohsa wa hap wow leh kam u moosiang wa kiwi.
Ha i jooh i por, u Prestone da pyntip u wa kynhun Montri ynne ka sngi da mynjur ki leh ya ki Rules wa da wanrah da ka chnat Labour ha ka Meghalaya Identification Registration (Safety and Security of Migrants Workers) Act 2020, deiwa ong wa wa chisien wa pynkrehkaam ya kini ki Rule waroh ki kiwa mylla kiwa na baar jylla daw hap ki wow pynpsiah pyrtuid ya idæ ha ka chnat Labour ka sorkar.
