Ka wi ka beipun kawa 90 snem i rta da man ko kawa nynkong dooh ka bru hapoh pyrthai wow yoh ya u dawai yada (Vaccine) COVID-19 wa chna da Pfizer/BioNTech wei kani ka bru toh kawa na Northern Ireland hadien waka UK da e bor ko wow pynemkaam ya ini i Vaccine.
Kani ka beipun toh kawa pyrtuid Margaret Keenan, daw dap ko 91 snem ha ka tayaw wow wan wei da e Inject ya ini dawai ynne ka sngi ha ka University Hospital wa em ha Coventry, heiwa kiwa boon da khut ki ya kani ka sngi kam ka “V-Day.”
Ha UK ya ki nyngkong dooh wow yoh ya ini ini Vaccine wa 800,000 tylli toh ya kitu kiwa em 80 snem chaneiñ kiwa em ha Hospital, kiwa hap wan ma wan cha Hospital kamjooh leh daw e chwa leh ya ki wakreh ha ki Nursing Home.
Ka UK toh kawa nyngkong dooh na ki ri wa e bor wow pynemkaam ya ini i Vaccine iwa da e bor haka 2 tarik uni u bnai yei dawai wa chna ka Pfizer kawa na USA wa yaka BioNTech kawa na Germany.
