U Lat ka jylla, u Satya Pal Malik ynne da wan chong yalang u wa ki sahep ki chnat waphær waphær ka sorkar jylla wow booddien ya ki scheme ka sorkar pyrdi ha ki ar tylli ki District ka Ri-loom Jaiñtia heiwa da sdang chwa na East Jaiñtia neitæ da pynbood won da ka West Jaiñtia Hills.
Ya ka yalang da pynman ha Circuit House, Jowai heiwa da emlang ki Deputy Commissioner ki ar District, u E. Kharmalki wa u Garod LNS Dykes wa ki sahep na ki chnat waphær waphær.
Hadien ka yalang u Lat da ong u wa ynne da yoh u ya ki bui (Report) na ki chnat wei daw puræ bniah ya ki wei du hadien itæ daw ye u leh yeiwa emkaam.
Da ong u leh wa i wan yong oo cheini toh wow tip kammon da pynemkaam ya ka poisa na ka sorkar pyrdi hei wow pynkreh ya ki Scheme na ka.
Ini i booddien u Lat da man i hadien wa pynman ya i jooh heiyatoh wa ki District ha Ri-loom Garo ha ka 2 wa 3 tarik uni u bnai heiwa da booddien u ya ki kreh kam ka MGNREGA, PMAY, NHM, PMJAY MHIS, SSA, PM Jan Dhan Yojana wa ka Pradhan Mantri Gram Sadak Yojana.
