Ka Dorbar wa nyngkong yong ka Kur Kyndait

Jowai : Ka Dorbar ka kur Kyndait wa nyngkong da pynman ya ka ynne ka sngi ha District Library Auditorium, Mynthong, Jowai heiwa da dap ka Auditorium da ki kur Kyndait kiwa wan na kylleiñ ka ri-loom Jaiñtia wa Khasi.

Kani ka Dorbar toh kam chibynta yow ya chem ya tipmit chi kur chi jait wei da pyllai ya ka yalang da u President ka kur u Laribha Kyndiat uwa da khana ka kur Kyndait toh kawa mih na ka chnong Tuber kiwa mih na ka Ber wa ka Bai tangwa ya ka wa yoh nyngkong ya i kur Kyndait ym pu em chem pyrtuid ya ka.

Katni katkam i thooh bniah ka kur da ong wa ki kur Kyndait da chem wa em ki ha 27 tylli ki chonong ka ri-loom Jaiñtia wa Khasi.

Related posts

Ha ka sngi pynkut ya ka Shad Nongkrem wan e kti u Lat ya ka aiñ Hima Khyrim Act, 2024

November 12, 2024

Da pynthymme ya kiwa kitkaam ka Khyrdoh Kur Passah

November 11, 2024

Yow yoh u thooh tre yei tre ka kur Kyndait ha u snem 2013 da chong pyrkhat wa nyngkong kiwa heh ka kur katwa ha u snem 2014 da thung ya ka committee wa kyrpang yow kreh ya i kaam yong ka kur.

Ha kani ka yalang da pyllait leh ya ka kot yong ka kur da u Kynmobiang Kyndait heiwa ha kani ka kot da booh ya ki pyrtuid ki jait Kyndait ha ki 27 tylli ki chnong wa sah ki.

Ka kur Kyndait toh kawa em yatoh wa ka kur Rymbai, Ryngkhlem, Sana, Ksoo, Bang (Ksoo), Pdein (Sana), Kyndiah, Najiar, Toi, Khaii wa Lyngoh (Tuber wa Rangad).

Da kyntu leh ya ki dkhot ka kur wow ym hoi u ya sih ya sang para chikur wei toh u man ki kiwa ya tylli wei wow bood yeiwa bha wa leh kiwi ki kur katwa yeiwa sih toh u kyntait.