Jowai : Ka 1st Division yong ka yaleh ball ka wow pynman da ka West Jaiñtia Hills District Sports Association (WJDSA) ha uni u snem da duna ko ya kawi ka dhab neidaw wa ka Loomkyrwiang da pyntip ko wa ka ym chimbynta ko ha uni u snem.
Ha ka 1st Division yow ye u pynman ya ka emkaam ya 12 tylli ki dhab deiwa mih ka Loomkyrwiang da sah sa du 11 tylli donhi kiwa chimbynta.
Kamtæ yow pyndap yeini i thaw wa da ieh ka Loomkyrwiang ka WJDSA da pynbna ko wow da lilam noh yeini i thaw wei ynne ka sngi ha ka ophis ka WJDSA da wan artylli ki chnong wa kwah yeini i thaw ka Changpung Moolibang wa ka Raij Mukhla.
Heini i dai lilam da ye ka Moolibang u jop ya ka Mukhla deiwa su ko T. 35,000.
Ka Moolibang toh ka dhab kawa na 3rd Division.
Read Also: Rah ka Ladthadlaboh SC yei naam jop ha ka 1st Division
Discussion about this post