Ka sorkar India da rai ko wow khang chwa chi por ya waroh ki lien suiñ wa wan na United Kingdom (UK) hadooh ka 31 tarik uni u bnai wei u sdang u khang yeini nadooh pyrdi synyaw ka 22 tarik uni u bnai.
Ya ini da leh hadien wa chem wa da mih thymme u jait khñiang COVID-19 uwa khlanbor ha UK uwa da ong toh uwa smat wow poor hadooh 70% heiwa kiwi ki ri ha Europe kam ka Switzerland, Germany wa Italy leh da khang ki ya ki lieñsuiñ na UK wow wan ki hadooh kiwi ri kam ka Canada, Hong Kong wa Iran da khang ki leh yei wan ki lieñsuiñ chapoh ka ri na UK.
Ki bru wa chemphang da ong ki wa i dawai yada namo i Vaccine toh iwa ye hi wow leh pyrchah ya uni u khñiang wa thymme tangwa ym pu em wa da chem ya oo ha dawbha Asia.
Haka sngi Bibar, kiwa dang yoh COVID-19 ha UK da ku ki da 35,928 ngut iwa da jan man ar chah yaka sngi chwa.
