15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Wan hiar ka lieñsuiñ ka wow hær arsien chi tayaw na Shillong cha Delhi

Advertisement ad1

Shillong: U Montri ka chnat Transport ka jylla, u Sniawbhalang Dhar ynne ka sngi da wai u ya ka lieñsuiñ wa lai bait na Delhi cha Shillong. Kam i dak wow wai ya ini i chakri, u Montri da wan u ynne ka sngi da ka lienñsuiñ na Delhi hadooh Umroi.

Ka sorkar Meghalaya da ya soi soskular ko wa ka Company Fly Big yow pynhær ya ka lieñsuiñ na Delhi-Shillong wa Shillong-Delhi.

Hawa klam ha ka yalang wa tbian ha Umroi Airport, u Sniawbhalang Dhar da ong u wa ini i yoh ka jylla ya i chakri lyngba katai ka kaad lieñsuiñ daw man kawa daw sah parom neibhah wa toh i thrang wa da slem kiwa chong chnong ka jylla wow pynyabi ya ka Nongbah yong ka ri India wa ka Shillong lyngba ka lieñsuiñ.

Katkam i ong u Montri, ka lieñsuiñ daw hær bait ko na Shillong cha Delhi wei daw krehkaam ko arsien chi tayaw, wei ka lieñsuiñ wa ar ka wow hær cha Delhi daw man ko ha ka 4 tarik u Duiatra (Jan) 2021. Da pynsñiaw u leh yei kyrmen wa ka Fly Big daw ye ko wow pynhær ya ka lieñsuiñ ma-ka- sngi, heiwa da pyntip u leh wa neibynta wow pynman ya ini, ka sorkar da dep ko wow khut Tender nadooh u Thohlakhmi (Feb) uni u snem.

Neiliang u Chief Executive Officer ka Fly Big, u Capt. Srinivas Rao da pyntip u wa da pynkhreh wa ki lieñsuiñ kiwa hær na Shillong cha Delhi u man ki kiwa ye u kit ya 75 ngut ki bru.

Share this:
Previous

Da khang ka India yei wan ki lieñsuiñ na UK

Next

Da ye wow pynlait yei sakut kari