Ynne ka sngi ka Bharat Scouts & Guides Meghalaya West Jaiñtia Hills District Lissi Pearl Sec. School Unit, Ladbasic; Mukhla da pynman ko ya ka 4th Investiture Ceremony 2020 namo i pynpsiah dkhot thymme ha pchem kani ka skur heiwa 9 ngut toh ki Scouts wei 10 ngut toh ki Guides.
Ya kani ka yalang da pynlai da u W. Lyngdoh, Jt. State Secretary wei wa da pynsñiaw u wa kani ka skur da man ko kawa ar wow pynpsiah dkhot thymme ha Meghalaya ha pyrdi wa em kani ka khlam.
Da sdang ya kani ka yalang deiwa rwai ya ka Prayer Song wada yahkhmat da ka Guide Captain ka skur, ka Grecorisa Sana wa i pynhær lama yeiwa pynbood won ya i Flag Song.
Ya ki 9 ngut ki Scouts da pdiang (Enrolled) da u Scout Master, u Shyam Dkhar katwa ya ki 5 ngut ki Guide da pdiang da ka Guide Captain, ka Jubankmen Lawriniang kamjooh da pdiang ya ki 5 ngut ki Guide da ka Guide Captain, ka Lam-i Sakani Dkhar.
U D.E. Pariat, Principal cum District Commissioner Scout WJHD da e u ya ki kyntien pdiang burom heiwa da pdiang sñiawbha u ya u W. Lyngdoh kamjooh leh ya kiwa chah khut sñiawbha.
Neiliang u A. Bthuh, Jt. District Secretary, MBSG, WJHD da pynsñiaw u ha kani ka yalang wa ymtoh u kut ki du ha i psiah Scout næ Guide tangwa haap leh hi ki ya ki kaam wa da smai ki wei wow em ka thong wow yoh ya ka State Award wa tip ki ka Rajya Purashkar Award na u lat ka jylla wa ka National Award kawa tip kam ka Rashtrapati Award na u President ka India.
Ka Saramai Tariang, District Commissioner Guide, MBSG, WJHD kam ka kongsan da ong ko wa ki Scouts Guides toh u man ki kiwa yoh yei chaniah (Trustworthy) wei da pynchlur ko ya ki wow maya ya i lai skur wei ya ki para bru la ha imlang sahlang kamjooh leh la ha ka District ka jylla wa ka ri hi waroh kawi.
Da kyntu ko leh ya ki wow maya ya ka rymaw wa ki mrad wa im ha ka.
Ya kani ka yalang da pynkut da ki kyntien khublei na ka Guide Captain, ka Lam-i Sakani Dkhar wei da pynbood won da i rwai ya ka National Anthem.
