15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

35 minit donhi u chah u thang bomkala haka Christmas wa snem thymme ha West Jaiñtia Hills

Advertisement ad1

Jowai: U District Magistrate, West Jaiñtia Hills da pynmih hukum ko hapoh ka Section 144 CrPC yow khang yei dai, i thied yaki bomkala kiwa chna ha baar ri, u pynemkaam yaki bomkala kiwa da kdoh lang kiwa manda pynemkaam lang chiboon pyntngit ki yaka la-ær, kiwa ood, kiwa pyntngit, kamjooh kiwa ood palat 125dB(A1) lane 145dB (C) Pk deiwa kheiñ 4 Meter na i thaw wa pdung kamjooh 100 Meter na ki Hospital, Nursing Home, Primary wa District Health Care Centre, ki thaw puræ, ki yung bichaar, ki thaw mane Blai lane kiwon kiwon kiwa da pynbna kam ki Silent Zone da ki bor sorkar.

U District Magistrate da chah u leh wow thang bomkala du na 11:55 PM hadooh 12:30 AM haka Christmas wa ka sngi khaddooh u snem.

Ka hukum da ong ko leh wa i dai yei bomkala toh du da kitu kiwa em License wei toh u pyntikna ki wa ki bomkala wa dai toh du kitu ki jait wa da chah u dai da ka yung krehkaam u Deputy Magistrate, West Jaiñtia Hills wei deiwa bood leh ya ki kyndon wa booh da ka Central Pollution Control Board.

Kani ka hukum u krehkaam ko chisyndon hadooh wa kut ka lehkmen Christmas wa snem thymme.

Share this:
Previous

Pdiang ka Lissi Pearl Sec. School ya ki Scouts & Guides wa thymme

Next

Khut sñiawbha u SP ka West Jaiñtia ya ki khynnah ka SD Convent yow lehkmen Christmas