Ynnin ka 22 tarik, ka Khasi Students Union-Nartiang Moodop Unit da pynman ko yei pynkhooid chnong kam chibynta wow lehkmen Advance Christmas ha chnong Nartiang Moodop deiwa ya krehlang wa ki bor chnong.
Ha kani ka sngi da emlang u Waheh Chnong u Dawyoo Dkhar, u Secretary Chnong u Edress Pale deiwa emlang leh u Dr. Pohsnem wa kiwa kitkam ka Dorbar Chnong Nartiang wa kiwi kiwi.
Neiliang ka Unit da pynsñiaw ko yei sñiawngooh ya u Superintendent of Police West Jaiñtia Hills District u Bikram D Marak neibynta i leh chitom wow pynbiang ya ka kari tympleh diñ neibynta wow siat pynkhooid da ka um.
Ka kyrwoh na u Publicity Secretary ka Nartiang Circle u Juhhi Tariang.
